PLATFORMA E MJEKËVE TË DIASPORËS

Me hyrjen në fuqi të Udhëzimit të ri "Për procedurat e punësimit, emërimit, pezullimit, lirimit dhe disiplinës së mjekëve në institucionet shëndetësore publike në Republikën e Shqipërisë, nëpërmjet platformës elektronike", Ministria e Shëndetësisë dhe Mirëqenies Sociale, në kuadër të politikave për përfshirjen e profesionistëve të diasporës në sistemin shëndetësor shqiptar, u ofron mjekëve mundësinë për t'u punësuar në institucionet spitalore publike të vendit.

Përfitues të kësaj nisme janë mjekët specialistë që kanë përfunduar studimet ose specializimin jashtë vendit, si dhe ata që kanë ushtruar profesionin për të paktën 2 vjet në një nga shtetet anëtare të Bashkimit Evropian (BE) ose të OECD.