Vaksinimi antiCOVID/ Kryhen 1,901,824 vaksinime

30 Tetor – Vijon vaksinimi masiv në pikat e përqëndruara te vaksinimit, në qendrat shëndetësore, poliklinika si dhe nëpërmjet njësive të lëvizshme në komunitet në kuadër të aksionit kombëtar “Derë më derë”.

Prej fillimit të vaksinimit janë kryer në total 1,901,824 doza të vaksinës ndaj COVID19. Prej tyre 887,865 qytetarë i kanë kryer të dy dozat e vaksinës antiCOVID. Ditën e premte, datë 29 Tetor, janë kryer 5,172 vaksinime në të gjithë vendin.

Vaksinimi është i hapur dhe të gjithë qytetarët mbi 18-vjeç mund të paraqiten me kartën e identitetit në qendrën e tyre shëndetësore, në poliklinika ose në qendrën më të afërt të vaksinimit, çdo ditë, nga 08:00-20:00, për të kryer vaksinën antiCOVID.

Deri tani kanë mbërritur në vendin tonë 2,496,960 vaksina antiCOVID.